Hei tā Selwyn Murupaenga ko ngā manu reo reka, ngā manu kōrero ēnei e whai ake nei nō ngā tōpito katoa o Aotearoa. Ko te kaikōrero tuatahi ko Te Aka Rāpana nō Te Tī o Te Tai Tokerau, e hāngai ana ana kōrero ki te pātere mō Aotearoa 'E noho ana i te roro o Ōhiwa'. Ko te kaikōrero tuarua nō Rongowhakaata, Te Aitanga-a-Māhaki, ko Te Kani Te Ua tērā. E kōrero ana a Te Kani i te pōwhiri o te tīma whutupāoro o Āwherika i tā rātou haerenga ki Tūranga. Ko te kaikōrero tuatoru ko Te Hiko Neho o Te Hāpua i Te Hiku o Te Ika. E whakamārama mai ana a Te Hiko i tētahi pakanga i tana rohe i aua wā. Ko te kaikōrero tuawhā ko Hēnare Murupaenga nō Ngāti Kuri, Te Aupouri. Ko ana kōrero e hāngai ana ki te tauparapara o te Hiku o te Ika 'Ruia ruia'. Ko te kaikōrero tuarima ko Waioeka Paraone o Te Aitanga-a-Māhaki, e kōrero ana mō te kurī a Tutekohi. Ko te kaikōrero whakamutunga ko Tiare Maitai.
An episode about well-known Māori orators.