Ko Toko Te Kani e kōrero ana mō te tipuna o Rawiri Te Eketū-o-te-Rangi. E ai ki ana kōrero ko Te Poho-o-Rāwiri te whare tuatoru. Ko te whare tuatahi ko te Papa-Whāriki i roto o te Wainui, te whare tuarua i tū ki roto o Tūranga. He uri a Te Eketū-o-te-Rangi nā Tahu Pōtiki i te taha o tana pāpā, he uri hoki nā Porourangi, mai i Tahu Pōtiki, ki Tāmanuhiri.
Te whakapapa e heke mai ana i a Tāmanuhiri ki a Te Eketū-o-te-Rangi he ure pūkākā. Ko Tahu Pōtiki, ko Rakahurumanu, ko Tahu Murihape, ko Uenuku, ko Rākaitoterawa, ko Tāmanuhiri, ko Tamaraukura, ko Rangiwaho, ko Tawhiri-o-te-rangi, ko Te Rangitipukiwaha, ko Rākai-a-tāne, ko Tuapāwa, ko Te Hapu, ko Tama-hikitia-te-rangi, ko Hāronga, ko Te Eketū-o-te-Rangi. Ka kōrero a Toko mō nga pepa i tuhituhia e Tā Apirana e pā ana ki Te Poho-o-Rāwiri, nāna i hoatu ki a Kaiwhakawā Carr, ā, i te matenga o Kaiwhakawā Carr, i tahunatia e tana wahine ngā pukapuka me ngā pepa i puritia e te Kaiwhakawā, kāre te wahine i mōhio i te wāriu o nga pepa me nga pukapuka Maori.
Ka kōrero ia mō te koruru i runga ake i te atamira, nō te mea e ono ana whatu, he kaupapa mō Konohi. Nā wai te whare i whakatū? Ko Ngāti Oneone me Ngāti Konohi ngā mea kaha ki te whakatū i te whare, me ngā hapū e noho pātata ana.
Ka kōrerotia ngā tae mairanga o ngā manuhiri tūārangi tae ki ngā hui nui. Ko ētahi atu tīpuna o te rohe nei.