Ko Ted Nepia te kaikawe kōrero. He pātere nā Pinenga, he wahine rangatira nō Te Arawa. Pātere: (Te Kuha) "Ōku rongo e..". Kaiwaiata: Tame Ngaira. Ka tahuri ki tētehi rekoata e hāngai ana ki te piringa a Hinemoa rāua ko Tūtānekai. Kaikōrero: Kepa Ehau nō te reo irirangi o Te Rotorua-nui-a-Kahumatamomoe. Ka kōrero mō Mokoia me Ōwhata. Ka kōrero hoki mō wō rāua whakapapa me te hononga o ngā tokorua nei. Nā Rangitihi te upoko i takaea ki te akatea, ko Tūhourangi, ka moe i a Rākeitaraenui, ka puta ko Taketakehikuroa. Nāna ko Tuteaomutu, ka puta ko Umukaria, nā Umukaria ko Hinemoa. Nā Kahungunu ko Rongomaipapa, ka moe i a Tūhourangi, ka puta ko Uenukukōpako, nā Uenuku ko Whakauekaipapa, nā Whakaue ko Tūtānekai. Ka kōrero mō ngā raru i wāenga i te whānau o Tūtānekai, ka kōrero hoki mō te toka rongonui a Hinemoa, ko Iriirikapua te ingoa. Ki reira ia tatari ai ki te tangi o te pūtōrino a Tūtānekai. Ka mutu ai ngā kōrero ki te taenga atu a Hinemoa ki te puna o Waikimihia, ki Mokoia. Waiata koroua: "Ka piri tonu awhea mai nei..".
This episode is about Hinemoa and Tūtānekai and their descendents featuring Kepa Ehau.