Waiata: Tomo mai. Ka kōrero a Ted mō Hēnare Waitoa me tōna whānau, ka whakahua mai tōna pouaru a Minnie Waitoa. Ka kōrero a Minnie mō Hēnare e tito waiata ana me te take i puta mai tēnei āhuatanga tito waiata i a ia, hei tā Minnie "he tangata uaua te kupu te puta".
Ka whakamārama mai a Minnie he hiahia nō Apirana Ngata i tētahi haka whakaoreore i a Putānga. Ko Putānga tētahi o ō rātou tīpuna, ā, i tapaina tētahi wharenui ki taua ingoa. Kei waho o Te Poroporo tēnei whare e noho ana. Ka kōrero a Minnie mō te waiata 'This love of mine' arā 'Karanga mai', ka kōrero hoki a ia mō te haka nā Hapuku i tito hei kohi moni mō Putānga, ko ia te whanaunga o Hēnare. Kātahi a Minnie ka kōrero mō te whakapuaretanga o te wharekura, ā, nā Parekura Turei i ārahi i ngā hōia, ka haka ka waiata rātou i te waiata nei 'Pai o te riri'.
Waiata: Karanga mai nā te rōpū rangatahi o te whānau a Putānga o Tikitiki tēnei i waiata. Hei mutunga, ka kōrero a Minnie mō te kaupapa i titoa ai te waiata 'Tomo mai'.
An episode about composer Hēnare Waitoa.