Ask to use material, get more information or tell us about an item
MANAKO. 20/12/2018
Ko Eruera Morgan e kawe nei i tēnei hōtaka.
Ko Victor Walker e kōrero ana mō te waipuke nui i pā nei ki ngā tāngata e noho mai nā ki Te Ūawa. He mākū rawa te whenua, he kaha te pupuhi o te hau. I mataku ai ngā tāngata i ngā awa o te kāinga, i ngā paina ngāhere e paopao haere nei, ka turakina, ka hinga. Kei te āwangawanga mō ngā whānau e noho kore hiko ana, kua kore he wai māori hoki. He rākau paina kei runga i ngā rori, ka whakaaro ana mō te hunga kaumātua, ko ngā kaipāmu kāore e whai wāhi ana e puta ki te tāone noho atu ai. Kua haere ētehi o te hapori me ngā taraka, me te mau atu i ngā kai, paraikete.
Ka kōrero ki a Margret Mutu te heamana o te marae o Kāpehu, e kōrero ana mō Tegal Chicken, ka hiahia ki te whakatū wheketere, he wāhi mahi ki te taha o tō rātou nei urupā o te marae o Kāpehu. Kua karanga hui a Tegel Foods ki Tāmaki Makaurau, engari kāore te iwi kāinga i te mōhio i karanga hui a Tegel. He mahi huna, he mahi tinihanga tēnā mahi.
Ka kōrero ki a Karen Te Ō Kahurangi Waaka- Tibble kua whai i te tētehi tūranga hou o Te Tumu Whakaata Taonga New Zealand Film Commission. Ka tuku mihi tuatahi ki te tāne o Karen, ki a Kōtuku Tibble i mate i ngā tau tata nei, ki a Milton Rauhihi i ngaro i ngā mārama tata nei. Ka tuku mihi hoki ki ngā mate o te wā. He roa te huarahi i takahia ai e ngā tūpuna i te wā i a rātou, pērā ki a Don, Merata, Barry, Wī Kuki, Tūngia mā. Ka kōrero mō Te Rautaki Māori. He poipoi i ngā kiriata Māori me ngā kaitārei hoki, i te taha o te ahumahi kiriata Māori, i mua i Aotearoa, i te ao whānui anō hoki.
Ko Taamoko Te Rangi Ormsby e kōrero ana mō tēnei kaupapa whakahirahira o Pipiri ki a Papatūānuku. Nā rāua ko tāna hoa wāhine a Waimirirangi Koopu-Stone tēnei kaupapa i whakaarahia. E iwa ngā whāinga ō te kaupapa nei, e toru mō te kai, e toru mō ngā toenga, e toru mō ngā momo paratiki. Ko te taiao ko tātou.
I tū tētehi hui mō te tipuna nei a Rua Kenana ki runga i te marae o Tīpapa, ki Murupara, Ko Ngāti Manawa te iwi kāinga. Ka kōrero mō Pem Bird mō Taiarahia Black. Ko Ken Eruera, e kōrero ana mō ngā Hākinakina.