Ask to use material, get more information or tell us about an item
Ko Ted Nepia te kaikawe kōrero. E pā ana tēnei pātere ki te moutere o Aotearoa. Pātere: "E noho ana ki te roro ki Ōhiwa whakarongorua te taringa ki te tai....". Kaiwaiata: ko Aka Rāpana. Ka tahuri ki tētehi rekoata e hāngai ana ki te parekura i Mokoia i Rotorua. Kaikōrero: Kepa Ehau nō te reo irirangi o Te Rotorua-nui-a-Kahumatamomoe. Ka kōrero a Kepa mō ngā raruraru i wāenga i a Hongi Hika rātou ko ngā uri o Tūhourangi Ngāti Wāhiao. Ko ia te tīmatanga mai o te pakanga nui i Mokoia. Ka kōrero hoki mō ngā waka, me ngā iwi o Ngāti Pukenga me Ngāti Mākino, me te moana o Te Rotoiti-i-kite-ai-e-Ihenga. Ka haere tonu ngā kōrero mō ngā karakia, te haerenga o Ngāpuhi ki Mokoia, ngā tangata i hinga me te pakanga i tū ki Mokoia. Waiata tawhito: He tangi mō te haupapa. I titoa tēnei waiata i te wā i whawhai a Waikato ki tētehi wāhi o Te Arawa.
This episode is about the war that took place at Mokoia Island, Rotorua featuring Kepa Ehau.