Ko Ted Nepia te kaikawe kōrero. He uiuinga me Rangi Pokiha, nō Ngāti Pāmoana, nō Ngāti Apa anō hoki. (1/6). He tauira tawhito nō Te Kāreti o Te Aute. Haka: Kikiki Kakaka. Waiata: "Aotea, Tainui e, Te Arawa.." / "Nau mai rā e te iwi.." / "Ki a koe rā e Panapa..". Ko ngā kaiwaiata nō te Wainuiarua. E hāngai ana tēnei hopunga ki te iwi o Ngāti Pāmoana me te pā o Koriniti. I tū tēnei uiuinga ki te marae o Otukopiri, ki te whare o Te Waiherehere, herehere i te kupu, herehere i te tangata. He paku hoki ngā kōrero mō ngā tekoteko, ko Tauruaterangi tētehi, ko Maha-o-te-rangi tētehi anō. Waiata tawhito: "Tū mokemoke ai te puke i Tauaki..". Kaiwaiata: Rangi Pokiha. Ka tahuri ngā kōrero ki te mahuetanga i a Operiki, me te hūnukutanga ki Koriniti. Ko ngā pakanga ā-hapū i te tau 1839 te take. I te tau 1945, ka tau te noho ki roto o Koriniti. Ka whakawhiti ngā kōrero ki te whare a Te Waiherehere. Ko te ingoa o te tekoteko o runga, ko Tarikopeka, he mokopuna nā Pāmoana. Ko Utuku/Utiku/Uitiku Maroro rāua ko Hori Pukehira/Pukehina/Pukeira ngā kaiwhakairo matua o Te Waiherehere. Ka kōrero tahi rāua mō te āhua o te manu tūī, he mea peita ki ngā whare o reira. E hāngai ana te manu ki tētehi whakataukī i puta i te pakanga i Whanganui "Kotahi tūī nō Pāmoana, ko ko/koko/kōkō Pāmoana". Waiata: "Kia ora rā koutou e ngā iwi..".
Ted Nepia speaks with Rangi Pokiha of Koroniti.