Ask to use material, get more information or tell us about an item
Ko Ted Nepia te kaikawe kōrero. (3/3). Ka tīmata ki te reo mihimihi o tētehi koroua. Waiata: "Ākuhata te marama..". Ka haere tonu te hopunga reo i te hui ki Kahukuranui ki Ngāti Kahungunu. I tū tēnei hui i te 19 o Ākuhata. Ka rongo ko te reo o Whetū Tirikātene-Sullivan. Ko tāna he tuku mihi atu ki ngā tangata whenua. E ai ki a Ted, ka kōrero a Whetū mō Matiu Rata, me te mīharo o ngā mihi i tuku atu ki a ia, i a ia e noho māuiui ana ki Te Whanganui-a-Tara. Kātahi, ka tahuri ki ngā kōrero o te tari tūruhi me ā rātou mahi hanga hōtēra hou. Ka tahuri anō ngā kōrero ki te whare wānanga Māori i Whakarewarewa, me te hokonga atu o ngā taonga Māori. Waiata: "Haere mai e ngā iwi e..". Ka tahuri te kaupapa kōrero ki ngā take o ngā iwi, rōpū hoki o Ngāti Kahungunu. I tū a Ngāti Hineuru ki te kōkiri i tā rātou take e hāngai ana ki te rironga o te whenua ki te tari kāwanatanga. I tū te iwi o Te Hauke ki te kōkiri i tētehi take e hāngai ana ki tō rātou awa. I tū hoki te rōpū o Te Kotahitanga ki te whakaara i te take o te Tiriti o Waitangi. Ko te take whakamutunga i kōrero mai a Ted, e hāngai ana ki te tokoiti o ngā āpiha toko i te ora e āwhina ana i ngā hapū o Ngāti Kahungunu. Waiata: "Haere mai e ngā iwi o te motu e..".
A reply to the deputation by Whetu Tirikatene Sullivan at Omahu marae.