Ask to use material, get more information or tell us about an item
Ko wai e pupuri ana i te mana whakairo hinengaro o te moko? Ko te kaitā, ko te kaimau rānei? Koirā te pātai o tētahi kaitā. Karere: Rapaera Tawhai. Joni Brooking-Clarke, Ringawhao. Putaanga Waitoa, Kaiwhakaahua.
Kua tuku te kāwanatanga i te whakapāha ōkawa me te utu pāremata ki te hōia o mua, a George Nepata. I whara kino a Nepata i te hē o te Ope Kātua i a ia e mahi hōia ana i te tau 1989.
E ai ki te rangahau a te Ahu Aranga Ora, nō te taenga mai o te mate korona kua tipu ake te hiahia o ngā whānau ki te penapena pūtea. Karere: Te Rina Kowhai. Sharma Apiata, Kaihoko, Whare Tuatahi. Toa Apiata, Kaihoko, Whare Tuatahi. Donna Robinson, Kaitohutohu Pūtea, Sorted. Peter Cordtz, Kaikōmihana Reti Tuarua, CFFC.
E harikoa ana a Te Whānau-a-Apanui me Ngāti Porou i te 34 miriona tāra ka whakapaua e te kāwanatanga kia ora anō ai te ngahere o Raukumara. Karere: Eugenie Sage, Minita Papa Atawhai. Rawiri Waititi, Te Whānau ā Apanui. Selwyn Parata, Ngāti Porou. Tui Warmenhoven, Ngāti Porou.
I waitohu whakaaetanga ngā iwi o Manawatū me te kāwanatanga kia riro ai te rori e kīia nei ko Te Ahu-a-Tūranga mā te katoa. Karere: Eruera Rerekura. Lindsay Poutama, Te Rūnanga o Raukawa. Manahi Paewai, Rangitāne o Tāmakinui a Rua. Kingi Barrett, Kahungunu ki Tāmakinui a Rua. Phil Twyford, Minita Take Waka.
E takatū ana a Waiapu Road ki te tautoko i te kaupapa e kīia nei ko te tuakoka īkura. Ko tā te pakihi hou nei he takoha i ngā taputapu īkura, me ētahi whakakai mana wāhine hoki ki ngā kura e rima o te Tai Rāwhiti. Karere: Aroha Trencher. Jonique Oli-Alainu’uese, Kaipakihi, Waiapu Road.
Kua rewaina te pukapuka hou ko Facing The Haka te ingoa. Karere: Hania Douglas. Jamie Wall, Kaituhi Takirua.
Ngā tohu huarere o te wā.