Te konowhete
He konohete whakaharahara i Te Hōro o Tāmaki Makaurau i whakapāhotia whānuitia ai ki te pouaka whakaata hei whakanui i te angitū o Te Māori, nā Mobil i taunaki.
Hero image: Ko Te Kura o Pakipaki e waiata ana i te konohete o Te Māori, i te Hōro o Tāmaki Makaurau, 1988. Tohutoro: TZP96634. Tau: 1988. Whakamihi: Te Reo Tātaki o Aotearoa, Te Kura o Pakipaki, Te whānau o Te Pakipakitanga o Hinetemoa.
He konohete whakahirahira i Te Hōro o Tāmaki Makaurau hei whakanui i te angitū i puta ai i te whakairinga toi a Te Māori.
Inā te huhua o ngā kaiwaiata Māori me ngā kaiwhakatangi puoro Māori i tū ai ki te whakangahau i te taiopenga: ko Herbs, ko ngā Yandall Sisters, ko Soul on Ice, ko Hammond Gamble, ko Pātea Māori Club. I reira hoki e whakangāhau ana ko ngā kapa haka o te motu, pēnei i Te Waka Huia, Te Rautahi Cultural Group, Te Roopu Manutaki me Te Ariki Tamatea.
He konohete whakanui i whai wāhi atu ai ngā kaiwhakangāhau maha nei ki te whakaatu i ā ratou titonga poi, waiata ā- ringa, haka i titongia mō Te Māori.
Ka mutu, i tangata whenuatia te waiata ‘Te Hokinga Mai’ nā Bishop Max Mariu rāua ko Tāite Cooper i tito hei waiata ngaringari mō te kaupapa o Te Māori.
Te konowhete a Te Māori – Te Hokinga Mai (Whakataki)
I tēnei taonga whitiāhua, ka hoki whakamuri ki te tau 1988 ki te konohete nui whakaharahara i whakanuia ai te tāpoi nui me ngā taonga i whai wāhi ki Te Māori. I tēnei whitiata ko Cara-Lee Pēwhairangi (Te Whānau-a-Ruataupare) e waiata ana i te waiata Haere Mai, he mea tito e te mātanga tito waiata o te Tai Rāwhiti, a Tuini Ngāwai.
Tohutoro: TZP5757. Tau: 1988. Whakamihi: Te Reo Tātaki o Aotearoa. Cara-Lee Pewhairangi.
Waka Huia: Houngarea marae
Kei tēnei hōtaka o te Waka Huia nō te tau 1997, ka kōrerohia te waiata i tohua hei waiata ngaringari mō te Māori, arā, ko Te Hokinga Mai. I titoa te waiata nei i te tau 1987 e Te Taite Cooper rāua ko Bishop Max Mariu. Ko Tom Higgins (Ngāti Manawa) te waha pūkōrero e whakamārama nei i te waiata. Ko tāna, nā Taite Cooper rāua ko Pīhopa Max Mariu ngā kupu, ā, nā Tom Higgins rāua ko Rīpeka Wiki te rangi me ngā mahi ā-ringa. Kātahi ka whakaakona te waiata ki ngā tamariki o Te Kura o Pakipaki. Hei whakakōpani i te whitiata nei, ka waiatatia tēnei waiata tongarewa e te hau kāinga o Houngarea.
Tohutoro: TZP189862. Tau: 1997. Whakamihi: Te Reo Tātaki o Aotearoa, Te Kura o Pakipaki, Te whānau o Te Pakipakitanga o Hinetemoa.
Te konowhete a Te Māori – Te Hokinga Mai Whakakapi
I tēnei whitiāhua nō te tau 1988, e whakaaturia ana te konohete whakanui i Te Māori. Ko Te Kura o Pakipaki tēnei i te papa whakatū waewae e waiata ana i te waiata ngaringari, ko Te Hokinga Mai.
Ko Te Māori – he whakaaturanga tūrangahakoa, he whakamanamana i te ahurea Māori.
Tohutoro: TZP96634. Tau: 1988. Whakamihi: Te Reo Tātaki o Aotearoa, Te Kura o Pakipaki, Te whānau o Te Pakipakitanga o Hinetemoa.