Edward (Ted) Henry Nēpia (1904-1983) - Ngāti Kahungunu (Image: Hastings Street School Souvenir Booklet, 1960 - Hawke’s Bay Museums Trust, Ruawharo Tā-ū-rangi, 24270)
Ka Kōrero tahi a Ted Nēpia rāua ko Rineti Reid
He tino tangata mātauranga a Ted, i mahi i te tonga o Te Ika-a-Māui i ngā kura i Te Whanganui-a-Tara, i Te Tai Rāwhiti, i Wairarapa, i Waikato me te Matau-ā-Māui. Ko ia te upoko o te Tari Māori o Te Kura Tuarua o Te Whanganui-a-Tara i ngā tau 1960. Mahi tonu ai ia i te ao mātauranga, nāna i tuhi te marau reo Māori o te Kura ā-Tuhi i te tau 1972, kua pau hoki i a ia ngā tau e 47 e mahi kaiako ana, he tumuaki hoki ia, he kaitohutohu i ngā kura whakaako māhita.
I kōnei ka kōrero tahi a Nēpia me tētehi kaiako wahine Pākehā e kōrero Māori ana, mō te whakaaro whakahirahira me ako te reo Māori i ngā kura 1972.
This is an excerpt from the programme 'Te Reo o te Māori', 20 September 1972.
Tohutoro Kohinga 44137
Te tau 1972
Ko Ted Nēpia me Te Rā o Te Reo Māori
Nō te paunga o ngā tau 1950 ka tīmata ana mahi pāho mō te teihana o 2ZC i Ahuriri, nāna te hōtaka a Te Reo o Te Māori. He tino pai ngā kaikōrero Māori ki tēnei hōtaka, huri noa i Te Tai Rāwhiti, nō reira ka hōrapa ki te motu katoa i ngā tau 1960 hei hōtaka reo Māori ā-motu. Nā te Upoko Hōtaka Māori, nā Leo Fowler i āhei ai kia pēnei.
He āhua hōhonu, tūturu ngā hōtaka a Ted, ka āta tirohia ngā take, ka kite i tana mātauranga e pā ana ki ngā kaupapa Māori, ka uiui haerehia e ia ngā kaumātua o te motu.
Nō muri ia ka mea mai, he mea nui te akiaki i ngā kaumātua kia kōrerotia ngā pakiwaitara a te Māori hei taonga mō ngā uri whakatipu. Ka hia hāora kē ia e whakatata ake ana ki ngā kaumātua, e wehi ana kei mau ā rātou kōrero, kātahi anō ka tīmata te mau i ō rātou reo. Ko tana hiahia, kia kohia ēnei taonga hei rangahau mā ngā iwi o āpōpō.
I ēnei kōrero, ka whakamōhio te hunga whakarongo e Nēpia tēnei hōtaka i tirohia ki ngā kaupapa mō Te Rā Reo Māori 1973.
This is an excerpt from the programme 'Te Reo o te Māori', 30 September 1973.
Tohutoro Kohinga 48883
Te tau 1973
Selwyn Muru (1937- ) - Ngāti Kurī, Ngāpuhi (Image: Pacific Film Production Limited)
Selwyn Muru rāua ko Whina Cooper - Whutupōro
Uia ngā pātai e Herewini Muru i a Whina Cooper i te wā ko ia te perehitene o te Ūniana Whutupōro o Hokianga ki te raki. Me rongo ki te katakata me te aroha i waenga i a rāua me te maha o ngā kaupapa i kōrerotia e te tokorua nei.
This is an excerpt from the recording 'Whina Cooper - Interview', 13 September 1974.
Tohutoro Kohinga 41565
Te tau 1974
Selwyn Muru rāua ko Whina Cooper - Te Rōpū Matakite
Uia ngā pātai e Herewini Muru i a Whina Cooper mō ngā kōrero āna mō te hikoi i ngā whenua mai Te Hapua i Te Hiku o Te Ika ki paremata i Pōneke. Me rongo ki ngā amuamu, raru hoki mō ngā whenua Māori, mō ngā kaihīkoi, ā ko Te Rōpū o Te Matakite.
This is an excerpt from the recording 'Te Reo o te Pipiwharauroa', June 1975.
Tohutoro Kohinga 40605
Te tau 1975
Tānara Whairiri-ki-tawhiti Ngata (1942–2016) - Ngāti Porou (Image: Ngā Taonga Sound & Vision Collection)
Whai Ngata on Whakatauaki
E kīia ana he tino tangata a Tānara Whairiri-ki-tawhiti Ngata mō te whakarauora i te reo Māori i ana mahi nupepa, reo irirangi, pouaka whakaata, rangahau kupu hoki.
I whānau mai ia i te Whanga o Waipiro, Te Tai Rāwhiti, ā, ka kuraina i te Kura o Tapu Te Ariki i Hiruhārama i Ruatōria. I a ia e tamaiti ana, arā a Hikurangi Maunga me ngā kōrero e whakatōia ana ki roto i a ia e tana matua, e Hōri Māhue Ngata me ngā kaumātua o te wā. I kuraina ia i Māngere, i Ōtara, i Te Aute me Hato Tīpene. Ka whiwhi karahipi, kātahi ka haere ki te kura ako kaiako i Tāmaki Makaurau me ngā whare wānanga o Tāmaki Makaurau me Te Upoko o Te Ika-a-Māui.
Ka 1968 kātahi a Whai Ngata ka haere hei kairipoata mō te Auckland Star. Ka 1975, ka tāti ia i Irirangi Aotearoa. Ka neke ia ki Te Reo Tātaki Aotearoa i te tau 1983 hei kairipoata Māori i te taha o Derek Fox mō ngā kōrerotanga karere Pākehā i te ono karaka. Kāore e roa i muri mai ka mahi rāua ko Derek Fox i a Te Karere.
Kāore te iwi whānui i rata ki taua hōtaka raka, e kī ana i taua wā, kāore he wāhi mō te hōtaka pērā. “Kāore i hiahiatia te reo Māori ki runga pouaka whakaata i taua wā. I rongo mātou i pakeke te whiwhi inu i ngā pāparakāuta nō te mea i te mātakitaki kē te iwi i te hōtaka.” Kei te pāho tonu te hōtaka nei, kua hawhe hāora hoki te roa.
Ka rua tekau tau a Tānara Whairiri-ki tawhiti Ngata i Te Reo I Tātaki Aotearoa, ka piki ia hei upoko mō te Tari Hōtaka Māori i reira, ka aratakina ngā hōtaka reo Māori e hia mano hāora.
I tēnei wāhanga, ka kōrero a Ngata ki ngā whakatauki mai te hōtaka Te Reo o Te Pipiwharauroa me he kōrero nā Wiremu Parker.
This is an excerpt from the recording 'Te Reo o te Pipiwharauroa', 01 August 1976.
Tohutoro Kohinga 42160
Te tau 1976
Ngā hōnore Speaker: Wiremu Parker
Whai Ngata reports on Bastion Point
I te tau 1975, ka tāti a Whai Ngata i Irirangi Aotearoa, ka whāia te hīkoinui a Whina Cooper mā. Ka toru tau ia i te hōtaka Māori, a Te Puna Wai Kōrero. Ko tāna, he whai i ngā kaupapa e hia a te Māori, waiata tawhito mai, tae noa ki ngā mahi kēnge o te tonga o Tāmaki Makaurau.
I whai mana tana ripoata haere mō te noho a ngā Māori ki Takaparawhau, ka whai mana i waenga i te iwi Māori.
“Ka piki mātou ki Takaparawhau, nā tētahi kōrero muna i tae mātou ki reira i mua i te murutanga o taua wāhi i ngā pirihimana me ngā hōia e 800. He kino taua mahi, kātahi anō au ka kite i te mahi pērā i aku mahi ripoata. Kāore rawa i pai me te tangi ā te ngakau te kite i ngā kaumātua e kawea atu ana i ō rātou ake whenua.”
This is an excerpt from the programme 'Te Puna Wai Kōrero - Ngāti Whatua and Bastion Point', 25 May 1978.
Tohutoro Kohinga 40403
Te tau 1978
Wiremu Kerekere (1923-2001) - Te Aitanga-a-Māhaki (Image: Archives New Zealand - Communicate New Zealand Collection: R24460988)
Wiremu Kerekere: Waiata Māori
He whakahihi a Wiremu (Bill) Kerekere ki tana papakāinga tipu o Waihīrere i te takiwā ki Tūranganui-a-Kiwa. He mōhio ia ki te tuhi waiata, te waiata hoki, ka ārahina e ia te kapa rongonui o Waihīrere.
Ka 12 tana pakeke, e mōhiotia ana ia mō ana tūranga atamira, muia ana ngā hōro i te tangata haere mai kia kite i a ia i purei piana. I purei haere ia i ngā wāhi cabaret, he pai ki ngā waiata tautito, ka tino whai i ngā manu tioriori waiata a Ella Fitzgerald, Sarah Vaughn me Nat King Cole, ka tuhi haere ia i āna ake waiata.
Nō te tau 1964 ka tāti a Kerekere i te Kaporeihana Pāho o Aotearoa, i te wāhanga Māori ki raro i a Leo Fowler. I kite ai ngā iwi i a rāua tahi a Leo Fowler i ngā hui nui a te Māori me ngā taputapu hopu reo hei mau i ngā mihi, i ngā waiata me ngā āhuatanga o aua hui hei pāho mā te kaporeihana.
Ka neke te wāhi pāho matua ki Tāmaki Makaurau i te paunga o ngā tau 1970, engari ka mahi tonu ia i te reo irirangi ki Te Whanganui-a-Tara. I mōhiotia a Bill mō ana mahi Māori, ka haere ia i te taha o ngā rōpū haka ki tāwāhi ki Haina rā anō i te tau 1980, i te taha o Reverend Kīngi Ihaka rāua ko Kara Puketapu.
I tēnei wāhanga ka tuari a Kerekere ngā tauira waiata Māori nā Rev Kīngi Ihaka mā i tito mō ngā rangatahi me ngā kapa haka o te wā.
Tohutoro Kohinga 42183
Te tau 1977