HOKULEA WAKA IN HONOLULU - TE ARANI PEITA

He reo rangona he hokinga mahara nō ngā pātaka ripene o te reo o Aotearoa kua toia mai e te Reo Irirangi o Ngāti Raukawa. Ko ētehi o ngā maramara kōrero nō muamua rā anō. Kua waihape mai ā taringa nei ngā reo a rūruhi mā a koroheke mā me o rātou huatau hei akoako ki a tātou i roto i tēnei wā.

Wāhanga: Ko te Kete o te Pipiwharauroa
Kaikawe Kōrero: Te Arani Peita.

Kaupapa: Ko Hokulea Waka i Honolulu.
Ko te ūnga atu o te waka o ō tātou whanaunga mai Hawaii, te Hokulea ki tōna timatatanga. He hui tino nui ki Kalua i waho atu i te taone o Honolulu i te moutere o Oahu.

Ka timata ngā pitopito kōrero mai i tētahi o ā mātou kaumātua i āwhinatia ai o mātou whanaunga mai Hawaii me tō rātou waka te Hokulea kia tae mai ki Aotearoa nei ā tae noa ki te wā i ū atu ai ki tōna herenga waka i roto i te moutere a Oahu. Ko Hector Busby o Te Tai Tokerau te karakia tapu i tukuna ki runga i tēnei waka, ā me ngā taonga i tiakitia ai taua waka nō te timatatanga o tēnei whakaaro ā tae noa ki te mutunga.

Ko te reo o tētahi kaihautu: Ko Pinky Thompson nō Honolulu.
He tangata rongonui a Pinky Thompson o roto i ngā moutere o Hawaii.

Ko te Hiamana o te Kaunihera Māori o Aotearoa: [Kirioma] Ratima
E whakahoki ana ngā mihi o te iwi o Hawaii.
Ka huri ki te reo Pākehā. He kōrero koioio, he kōrero whakakata tangata, he kōrero hōhonu hoki, ā, ka whakahonore a ia i te mahi o te iwi o Honolulu.
Ko ngā tohu aroha mai i Tā Hēmi Henare rāua ko Rose Henare.

Waiata: He rōpū nō Aotearoa.