Nui atu i te 1 piriona pēke kirihou ka mahia i ia tau. Me tuku kia utua, hei tauawhi i a Papatūānuku, e kī ana ngā koromātua o Aotearoa.
Me he tī torona, e ai ki a Ella Henry, reo tōrangapū. I kimihia hoki ngā whakaaro o te iwi ki ngā tiriti o Tāmakimakaurau.
E pātai ana ngā kaiārahi ā-iwi, he aha te take kāre i tohua e Reipa he Māori ki ngā tūranga kaiārahi i mua noa atu. Ko te angitū kore nei o te tono a te mema o Hauraki-Waikato, a Nanaia Mahuta mō te tūranga kaiārahi tuarua i te tau rua mano tekau mā whā e kōrerotia ake nei.
Hei tā Toby Curtis, "Ahakoa wāku mihi ki a Kelvin. Kei te pai tērā, engari ka titiro ki wāna hoa Pākeha katoa, nā reira ko tāku titiro, he aha ai rātou i kore whakatūngia hoki a Nanaia, i tōna wā.”
Ko tā Ngahiwi Tomoana, "Pai mōna, pai mō Te Pāti, engari me mahi ēnei momo mahi mai rā anō, mai i rā anō nā te mea, ko te tokomaha o Māori e tautoko ana ki a Reipa.”
Hei tā Nanaia Mahuta, "Kua hipa te wā māku, i tarai, kāore i toa, e pai ana kua puta mai a Kelvin hei tuarua.”
Nō te wiki nei i kōwhiria a Kelvin Davis hei tuarua mō te kaiārahi hou a Jacinda Adern.
E whakanui ana a Ngāti Wahiao Tūhourangi me Ngāti Whakaue i te waitohutanga o te whakaaetanga motuhake ki waenga i a rātou me te karauna e whakahokia atu ai te mana rangatiratanga o Te Puia ki a rātou.
Hei tā Rangitarahae Kereama o Wāhiao, “Kua tangi hoki i roto i ahau nā te mea, kua riro mai ngā taonga i hiahia mātou kia mahia i runga i te pai me te hūmārie me ngā tikanga katoa o tātou iwi.”
E mea ana a Bryce Murray o Ngāti Whakaue, “Mutunga mai o te koa, te hari me te koa o te ngākau kua whakahoki mai tēnei pakihi ki te iwi me ngā karangatanga me te maumahara hoki ki ērā i mahia ngā mahi i roto i ngā rautau.”
Nō te tau ono tekau mā whitu i whakature ai Ngā Kete Tuku Iho o Te Puia.
He tohu anō ka tuia ki te tātua o Witi Ihimaera, arā, ko te Tohu a te Pirimia mō Ngā Whakatutukinga ā-Tuhi.
Tekau mā ono ngā pukapuka, e whitu ngā kohikohinga pakiwaitara, e whā ngā kiriata, e toru ngā whakaari ā Witi Ihimaera.
Tā Ihimaera o Te Aitanga-a-Māhaki, Rongowhakaata, Te Whānau-a-Kai me Ngāti Porou, "E mea ana ētahi, ehara i te mea me nui te kōrero, ko te kaupapa kē te mea nui."
"Koia pea tēnei te tuatahi, engari mēnā kāhore e pai ana tērā. Ēngari mēnā ko ia te tuatahi, he tauira pea tēnei mō te ao tuhituhi e haere ake nei."
Ka tū te kaupapa tuku taonga nei ki Te Whanganui-a-Tara.
I whara tētehi tangata i te porotēhe i Ka Hale o ka Lā i Hawai’i. E porotēhetia ana te karu tata nunui. Ko Mahealani Ahia tētehi kaikōrero.
He tapu te tuna ki Moorea ki Tahiti. Ko te puhi te ingoa ki reira. Ko Tracey Chaves tētehi o ngā kaitiaki.
Kua rite te whakaihuwaka o Iron Māori, a Josh Hemara mō te whakataetae hākina pūtoru ā-ao, ki Hōrano. E hiahia ana a Hemara ki te wikitōria i te tātāwhāinga, whaimuri i tana whai mētara rauwhero e toru tau ki muri.
Kei te whakahīhī a Josh Hemara ki te whakakanohi i tōna whānau, otirā i a Aotearoa
I oti tuawhā mai a Hemara i te whakataetae hākina pūtoru a ao ki Mehiko i tēra tau, ka mahue metara kore ia.
Ka whakaheke werawera a Joseph Whittaker i ngā whakataetae hiki maitai ki Ōtepoti.
Ka hoki he tangata whenua ki ana whenua i Kānata ki te purei mō ngā Seattle Thunderbirds. Ko Ethan Bear tētehi kaitautoko.
[i tangohia mai ēnei kōrero i te ipurangi o Whaakata Māori, i ētitangia hoki]