E kī ana a Metiria Tūrei e tautokohia ana ia, i whakarewahia hoki tana kaupapa here mō te Māori i te rā nei. Ko ngā whakataunga tiriti tētehi o ngā take, kia kaua e whakatōpūhia ngā kaikerēme, me whai tikanga ngā kerēme katoa
Kua piki ake te mana o Kelvin Davis i tana tūranga hei tuarua mō te Rōpū Reipa. I tae ia ki ngā whakataetae rīki ki Whangārei.
I tū a Joe Ngametuangaro ki te taiopenga Festival of the Future ki te akiaki i te rangatahi kia whai huarahi rātou, kia rerekē hoki a Aotearoa.
I hui ai ngā tāngata i Ahuriri ki te whawhai i te noho kāinga kore. Ko ētehi kaikōrero, ko Tūrei Cooper, ko Anahera Watene, ko Kevin Swannell, ko Michelle Pyke, Ko Meka Whaitiri, ko Damon Rusden.
Kua pōwhiritia te kaiārahi Māori hou o Fonterra, a Tiaki Hunia. He ārahi i ngā kaupapa Māori te mahi.
Modern Māori Quartet – kei Edinburgh rātou, kei te taiopenga nui o reira.
Kua whiwhi tētahi tauira whare wānanga ki te karahipi rima tekau mā rima mano tāra te wāriu kia ako ki Te Whare Wānanga o Hawai’i. Ko Nikau Hindin te ingoa, he mahi tapa.
I tukituki a Takahīwai me Moerewa ki ngā whakataetae rīki ki Whangārei. Ko Eli George me Ross MacFarlane ētehi tāngata pūrei.
Ko te manako o te Tāhuhu Rangapū o Pūkura Aotearoa o Joe Hitchcock, kia tokomaha ake ngā kaitākaro Māori. E whakapono ana ia ko te ahurea Māori tērā e arohaina ana e ngā kaitākaro ka hoki mai ana rātou i tarawāhi ki te piri atu ki ngā kapa whakakanohi o te motu.
Ko te Māori he pitomata ki te hākinakina nei.
“Hei tauira, ko Tamara Otene nō Ngāti Tūwharetoa, waingōhia noa ana te urutanga a te uri Māori nei ki te kēmu pūkura.”
Hei ngā rangi whakatā nei ka hoki atu te whakataetae mamau nui rawa o Aotearoa.
Ka tae atu ngā kaiwhakataetae mai i ngā tōpito katoa o te motu ki taua whakataetae i Tāmakimakaurau.
Ko te matapae o te kaiwhakahaere a Steven Oliver me Krissy Oliver, inā te tokomaha o ngā Māori ka uru atu ki te kaupapa.
E ai ki ngā kaiwhakahaere, ko te nuinga he Māori.
Te wānanga o Ngāti Hine me Ngāti Tarawa, he tiaki tuna te take. Ko ngā kaiako, ko Tohe Ahsby, ko Adam Brown.
[i tangohia mai ēnei kōrero i te ipurangi o Whaakata Māori, i ētitangia hoki]