He pakipūmeka Māori ka tirohia ngā take e hāngai ana te titiro ki te Māori.
Ka kōrero a Kumu Kalani e pā ana ki ngā hononga i waenga i tōna iwi o Hawai’i me Aotearoa nei - he hononga tērā pea ka whakamataara i te iwi Māori. Ka kōrero kia Kumu Kalani Meinecke – Ahorangi Mātauranga Hawai’i. Ko te motu nui ko Hawai’i, ko ēnei ngā momo ingoa mō Hawai’i, ko Hawaiki, Savai’i, Sawai, Swai ko Jawa-Hawa-Jawa-Java. Ka aroha atu a Kumu ki a Hawai’i. Kei te Kulanui Kaiāulu Ko`olau (Windward Community College) ia. He kura mō te ako i ngā kōrero o Hawai’i. He nui o rātou here ki ngā iwi o Aotearoa, nō mai rāno hoki. Ka tūtaki ia i a Professor Hirini Moko Mead, ā, ko John Rangihau rātou ko Tommy Taurima ko Tuki. Ko Papa Wati Ēpiha, he hoa makau, he nui tōna aroha mō ngā tāngata nō Hawai’i. E kore ia e warewaretia.
Ko te kupu Maoli i roto i te reo Ingarihi ko ēnei whakamārama: genuine, real, native. He tino rite ngā Kanaka Maoli ki ngā Tāngata Māori. Mō te whakapapa, ko ēnei motu ka hono i a tātou- Kahiki and Rā’iātea (Laniākea) kia mātou, Tahiti (Rangiātea) kia koutou. Ko ngā Ariki nui he ōrite ngā ingoa, ko ‘Aikanaka (Kaitangata) Hema (Hema) Kaha’i (Tāwhaki) Wāhieloa (Wahieroa) Laka (Rata).
I tū te Hari mate mō Papa Wati Ēpiha. I tae atu te whānau o Papa Wati ki Hawai’i ki te kawe i tōna mate ki ōna hoa. He tikanga Māori he tikanga Hawai’i hoki te āhua o te pōwhiri, mō te hari mate. Ka kōrero a Kumu Kalani. He nui ngā kōrero o Kumu mō Papa Wati. Ko Captain Cook –i te tāhae ngā toa i ngā waka o Kāpene Kuki, koina te take i pākanga rātou. I tētehi o ngā rangatira, ā Kalani’ōpu’ū, ngā ringaringa me ngā waewae o Kāpene Kuki. I te tau 1900 i rāhuitia te reo Hawaiian. Mai i taua wā i mimiti haere te reo. I kōrero Pākeha anake, atu i ngā pakeke, ngā kaumātua. He Kōhanga reo, he Kura Kaupapa tō rātou engari kāore i te tino eke. Kāore hoki te Kāwanatanga i te tautoko i te whakarauoratanga o tō rātou nei reo. Kei te whakaaro ngā mātua kāore he take mō tō rātou reo. Ko te wawata nui o Kalani ka maranga ake ngā rangatahi, me whakaaro mō āpōpō, mō ngā rā e heke mai ana.