Nō te rā nei, whakaokiokitia a Waana Davis ki tōna moenga roa i Whakatāne. 81 tau te pakeke o tēnei kuia mōrehu nō Ngāti Awa, Ngāti Kahungunu ki te Wairoa hoki, te hea o Toi Māori Aotearoa. Karere: Piripi Taylor. Derek Lardelli, Toi Māori Aotearoa. Pinika Barsdell, Whānau Pani. Dean Whiting, Heamana, Komiti Māori o Toi Aotearoa. Ngarangi Williams, Mokopuna.
A tērā wiki, ka whakapuakina e Newsroom tētahi whitiāhua, e whakaatu ana i ngā kaimahi o Oranga Tamariki e kāhaki ana i tētahi pēpē Māori. Kei te whakahē a Oranga Tamariki i te whakaaturanga i ngā kanohi o ō rātou kaimahi. Karere: Heta Gardiner. Alison McDonald, Oranga Tamariki. Tim Murphy, Co-Editor Newsroom.
Ko Te Pūao Te Atatū tētahi pūrongo i whakaritea e te iwi Māori mō te iwi Māori 30 tau ki muri. Nā John Rangihau i ārahi te rangahau hei whakamōhio i ngā āhuatanga o te kaikiri i kitea e rātou i taua wā. Ko te whakapono o te komiti kua tukuna kētia e rātou te rongoā mō ngā tamariki Māori, auare ake. Karere: Jess Tyson. Neville Baker, Pūao Te Atatū. Tracey Martin, Minita Take Tamariki.
Ko tētahi tamaiti i tipu i te maru o te kāwanatanga ko Rawiri Te Kowhai e kī nei, ko te mamae tuku iho tētahi mea e pēhi nei i ngā whānau Māori i noho kei raro i te karauna. Ko tāna, me whai wāhi tātou ki te tautoko, ki te hāpai i ngā whānau Māori. Karere: Kereama Wright. Rawiri Te Kowhai, Te Arawa. Henare Chadwick, Taranaki, Tūhoe. Peeni Henare, Minita Tuarua, Take Papori. Tracey Martin, Minita Take Papori.
Kua tātā te mema pāremata nō Whangārei a Shane Reti i te kāwanatanga, e kī ana kāore rātou i tuku rongoā ārai mate ki ngā tamariki o Te Tai Tokerau. Ka whai tēnei i te matenga o tētahi pēpē e whitu marama te pakeke i te mate kiriuhi uakakā. Karere: Tema Hemi. Tākuta Shane Reti, Māngai Takirua i ngā Take Hauora, Nāhinara. Dr Lances O’Sullivan, Mai i Tāmaki Makaurau. David Clark, Minita i ngā Take Hauora.
Kāore anō te kāwanatanga kia whakaputa kōrero mō te tāke whakapounamu wai, ahakoa te pikinga o ngā whakaaetanga me te tuku wai e hia ake piriona rita ki tāwāhi. E tūtohu ana te kaitōrangapū o Nāhinara a Gerry Brownlee i tētahi waitohutanga ā-motu. Karere: Talisa Kupenga. Matthew Tukaki, Te Kaunihera Māori o Aotearoa. Gerry Brownlee, Nāhinara. David Parker, Minita Take Taiao.
Kua karangahia anō a Krystal Rota ki te kapa Mamaku mō te tukinga ki a Fetū Sāmoa hei te mutunga wiki nei. Karere: James Perry. Krystal Rota, Kaitīkape, Kiwi Ferns. Justin Morgan, Kaiako, Kiwi Ferns.
Nā Peter Boyd i whakatū i te karapu Tiaki Tai o Ngāti Porou i Te Tai Rāwhiti. Ko te ahurea o Ngāti Porou me ngā mahi a Tiaki Tai Aotearoa tōna tūāpapa. Karere: Te Kuru Dewes. Peter Boyd, Kaiwhakahaere, Ngāti Porou SLSC.
Ko Katarina Simpkins tētahi o te 30,000 tūao e whakanui ana i te Wiki Tūao o Aotearoa. Kua 20 tau ia e whakatangetange riaka ana, e whakapau kaha ana, mō ngā tamariki Māori i te ao hākinakina te take. Karere: Regan Paranihi. Katarina Simpkins, Ngāpuhi.
Ko Rākaumatohi ka mahuta mai rā ki te pae.