Kua mouherea tētahi tāne 46 te pakeke mō te ngana ki te whakamate whaimuri i tētahi kōhuru inanahi rā. He 32 tau te pakeke o te wahine i mate, i te tukinga o tētahi waka ki a ia i te wāhi rā. Nō te ata nei tū mai ai te tāne ki mua i te Kōti ā-rohe o Manukau. Karere: Kawe Roes. Taura Te Whata, Kainoho i Māngere.
Ko Chary Alonzo Sabalande, 34 tau te pakeke, me Roymark Solomon Bering, 32 tau te pakeke, te tokorua i mate i te parekura i Pongakawa i te Wenerei. I mate rāua i te tukinga o tō rāua waka ki tētahi tereina.
Kua whakatau te Kōti Teitei o Aotearoa kia utua e Tony Waho kia $500,000 tāra hemihemi hei whakaea i ngā utu mō ngā nawe ki te Tarahiti o te Kōhanga Reo. I mua rā, whakatau ai hoki i hē tā te Tarahiti pana i a Waho hei tarahiti i te tau 2014.
Ki tā tētahi kaimahi nō Oranga Tamariki, ko te mahi kāhaki i ngā pēpē i ō rātou whānau e whakaora nei i a rātou. Engari e whakaae ana ia ehara tērā i te rongoā pae tawhiti, engari kei ngā iwi kē te rongoā. Karere: Kereama Wright. Tayelva Petley, Menetia o te Waiariki, Oranga Tamariki.
Kotahi mano hemihemi ngā tūranga mahi ka poroa i raro i ngā whakahoutanga whare wānanga o te kāwanatanga. Ka whakatōpūtia ngā kuratini o te motu kia hua mai ai tētahi kuratini kaitā, arā ko te New Zealand Institute of Skills and Technology. Dr Shane Reti, Māngai Mātauranga Matua, Nāhinara.
Nō te rangi nei whakarewaina ai e te Manatū Whakahiato Ora me te Ope Kātua he whare whakawhanake rangatahi hou i te uru o Tāmaki Makaurau. He 640 rangatahi ka whai wāhi mai ki ēnei whare ia tau, rātou kua taka ki te hē. Karere: Heta Gardiner. Peeni Henare, Minita Take Taiohi. Simon Rooke, Kaiwhakahaere. Ron Mark, Minita Take Waonga.
E hiahia ana te Taratī a Te Timu ki te hanga wakatāpapa hei whakakore i te kore mahi ki Te Araroa i te Tai Rāwhiti. Engari e tōtara wāhi rua ana te hapori. Karere: Te Kuru Dewes. Hepa Akuhata-Brown, Te Taratī a Te Timu. Caddie Kamizona, Kaiwhakahē Tōneke Moana.
$1.8 miriona tāra i whakangao ai e te ratonga kāinga Māori o Te Puni Kōkiri i roto i ngā toru tau ki muri nei. Nā te whakangaotanga o Ratonga Kāinga Māori, o Te Puni Kōkiri, kua whakamahana ngā whare o te hapori o Parewahawaha Marae, kua whakamahana i nga kaumātua kei reirā e noho ana.
Kei te tū iho te tāhuhu o Te Puni Kōkiri i tōna tūranga. Kua ono tau a Michelle Hippolite e tū ana hei manu taki i te kāhui. Ko ia te tumu whakarae wahine tuatahi. Karere: Talisa Kupenga. Michelle Hippolite, Kaihautū, Te Puni Kōkiri. Nanaia Mahuta, Minita Whanaketanga Māori.
13 ngā rōpū haka Taikura ka tū i te hui Matariki i Te Papa hei te mutunga wiki nei. Ko Te Puru o Tāmaki tētahi kua whakarite mō te whakataetae. Karere: Tema Hemi. Matt Maihi, Ngāti Whātua ki Ōrākei Te Puru o Tāmaki. Meiha Hawke, Ngāti Whātua ki Ōrākei Te Puru o Tāmaki. Marama Royal, Pouako. Arapata Hakiwai, Kaihautū, Te Papa Tongarewa.
I pari te ihu o te kapa Tōkena Pango, 6-4 ki a Āketina i tēnei ata.
Hei te mutunga wiki nei, haere ai te tukinga o te kapa Kiwi ki a Mate Ma’a Tonga.
Hei āpōpō noho ai ngā Highlanders hei hoariri mō ngā Crusaders ki Ōtautahi.
Hei āpōpō te tukinga nui ko nga Chiefs ki ngā Jaguares ki Buenos Aires.
He pakanga anō kei te haere ko ngā Hurricanes hei hoariri mō ngā Blues i Te Whanganui-a-Tara.
Kua kaha kitea e tātou ngā wāhine tākaro whutupāoro, rīki hoki i roto i ngā wiki ka taka mai nei. Hei āpōpō tuki atu ai te kapa Kiwi Ferns ki a Fetu Sāmoa ki te pā o Rarotonga. Honey Hireme, Kiwi Ferns. Kendra Cocksedge, Kiwi Ferns.
Ko Korekore Tuatahi ka mahuta mai rā ki te pae.