E tutetute ana a Ngāti Hinemanu me Ngāti Paki me te Tarahiti Mōkai Pātea Waitangi Claims mō te mana ki Taihape. Karere: Taroi Black. Jordan Winiata-Haines, Heamana, NHNP Heritage Trust. Te Rina Warren, Mema Tarahiti, Mokai Pātea Waitangi Claims Trust. Tangaroa Wagner, Uri o Ngāti Hinemanu.
Kei te tipu ngā māharahara mō tētahi tāne nō Kirikiriroa e ngaro ana. E rapu ana ngā pirihimana i a Jacob Bennett, e 24 tau tōna pakeke.
He kohinga te Kotahi a Tāmaki nō ngā marae 33 o Tāmaki Makaurau e noho ana ki te taha o te Kaunihera o Tāmaki Makaurau, hei āta tirotiro me pēhea e whai hua ai te Māori, te hunga moutere hoki i ngā mahi pakihi. Karere: Piripi Taylor. Tania Kingi, Te Kotahi a Tāmaki. Phil Goff, Koromatua o Tāmaki Makaurau. Tania Pouwhare, Te Kaunihera o Tāmaki. Amokura Panoho, Te Kaunihera o Tāmaki. Tapeta Wehi, Te Matatini ki Tāmaki.
Kua hinga ngā Tōkena Pango i te whiringa whāiti i te kapo Poiuka o te ao. I hinga ki a Hapani 2-1.
I tuarua te kaitaraiwa Māori ko Mitch Evans i te pakanga o ngā tiriti i te whakataetae Formula E inapō. Mitch Evans, Kaitaraiwa, Formula E.
I haukerekeretia te kapa Mamaku i a Fetu Sāmoa 46-8 i Rarotonga Pā. Honey Hireme, Kāpene, Ngā Mamaku.
Kua puta ngā Kiwi hei toa 34-14 i runga ake i a Mate Ma’a Tonga. Tē taea e Benji Marshall te karo i te puna o te roimata i tana ekenga anō ki te taumata o te ao rīki. Karere: James Perry. Benji Marshall, Kaitūwhāngai, Kiwi.
I ara mai ngā Pōtae Pango i te ngutu o te pari i a rātou ka turaki i a West Indies inapō mā ngā omanga e ono i Ingarani.
Kua tīmata te whakataetae Aotearoa Strong. Kua puritia tonutia e Tawaroa Kawana tōna taitara. Karere: D’Angelo Martin. Tawaroa Kawana, Rangitāne.
Ko Daphiney Owen, e mōhiotia nei ko Vox Dawn e whakatākirikiri ana i ngā tauwharewharenga o te ngākau mō te whenua me te kupu i tana waiata hou, i a “It Is Well”. Ka kōrerotia te mana motuhake, te pakanga mouroa anō hoki mō Ihumātao. Karere: Daphiney Owen, Ngāti Wai.
Ko Tangaroa a Mua ka mahuta mai rā ki te pae.
He kohinga waiata nō te Whakataetae Kapa Haka Kura Tuarua o Te Tai Rāwhiti.