He 12 miriona tāra kua tāpiri atu ki te hāpai i te kaupapa o Oranga Marae i roto i ngā tau e whā mō te whakapakari whare me ngā taputapu haumaru tangata. E whakaaro nui ana a Rehua Marae ki tēnei whakatau a te kāwanatanga. Kaikawe Kōrero: Talisa Kupenga. David Ormsby, Rehua Marae. Nanaia Mahuta, Minita Whanaketanga Māori. Jo McLean, Te Rūnanga o Ngāi Tahu.
I tonoa te hunga pāpāho ki te āta titiro ake ki ngā whakaritenga o ngā pirihimana i tā rātou hoko i ngā pū o te marea. Stuart Nash, Minita Take Pirihimana.
E tautoko ana te hapori o Te Tai Rāwhiti i te petihana e whakahē ana i te whakatūnga o tētahi waka tukurua o te Endeavour i ngā whakanuitanga o Tuia 250. He kuare hoki kia kitea ki roto i te hapori o Tūranga nā ētahi reta i whakaputahia e te Gisborne Herald. Kaikawe Kōrero: Te Kuru Dewes. Aubrey Ria, Tangata Whenua, Tūranganui-ā-Kiwa.
He taumahatanga te haere ake nei mō nga kaumātua o te hapori o Tuakau whai muri i te whakatau a te kaunihera ā-rohe o Waikato ki te whakapiki i ō rātou reti mā te $26 ia wiki.
Kaikawe Kōrero: Taroi Black. Peter George Semmens, Kaiutu Penihana. Allan Sanson, Koromatua. Robert Hita, Huakina Development Trust.
Tutū ana te puehu i te whakataetae Kapa Haka Kura Tuarua o Mātaatua ki Whakatāne. Ko Kura Ki Uta (Te Kāreti o Ōpōtiki), Te Tauranga o ngā Waka, ko Te Reo Whakakoko o Mauao, ā, kei te tūranga tuatahi ko Te Wharekura o Ruatoki ngā kapa ka whakakanohi i a Mātaatua i te whakataetae-ā-motu. Kaikawe Kōrero: Kereama Wright. Tutuhira Hare, Ngāi Tūhoe. Joe Harawira, Ngāti Awa. Naomi Herewini-Houia, Kaiako, Te Mānukatūtahi. Kimiora Webster, Tumuaki, Te Kura o Te Whānau-a-Apanui. Puaoteatatu Whauwhau, Kaiako, Te Whānau-a-Apanui.
Kei te whakamanatia ngā wāhine Māori e te huihuinga wāhine o FOMA. Kaikawe Kōrero: Regan Paranihi. Traci Houpapa, Heamana, FOMA. Liz Mellish, Heamana Tuarua, FOMA. Honey Hireme, Kaikōrero. Ngatiriti Eparaima-Hautapu, Kaikōrero.
Kua whakahārakiraki ngā whakaritenga o te Kapa Ōpango Māori, ko ngā whiu o Tāwhirimātea te take, engari kei te marae o Tamatekapua ki Ōhinemutu tonu rātou, e whakarite ana rātou mō ngā tukinga ki Whīti. Karere Hākinakina: James Perry. Teihorangi Walden, Te Ati Awa. Tom Franklin, Ngāti Maniapoto.
Kua oti te wiki haratau tuatahi o te Kapa Ōpango, ā, ko te aro ko te wero nui kei mua i te kapa. Steve Hansen, Kaiako, Kapa Ōpango.
Kua puta te whakatau ka whai wāhi atu te kapa Breakers o Aotearoa ki ngā tukinga ki ētahi tīma o te NBA i tēnei tau, ko ngā Memphis Grizzlys me te kapa Oklahoma City Thunder hei kai mā rātou.
Kua tahuri te kapa Pōtae Pango ki tō rātou hinganga karapītipi tuatoru, ko Ingarangi i eke mā te 119 omanga.
Ko Hoata ka mahuta mai rā ki te pae.
Kua pāhōtia e Toi Aotearoa te whakatakotoranga mō tētahi kaupapa ko Wānanga Residency te ingoa, hei tuia i ngā here o te Māori ki ngā Kanaka Māoli o Hawai’i. Kaikawe Kōrero: Mare Haimona Riki. Ngahiraka Mason, Tumu Kōrero, Bishop Museum, Hawaii.