E āki ana te kāwanatanga i te hunga tūmatawhānui kia tuku whakaaro rātou mō te rautaki taru rauhea hei rongoā. Karere Take Tōrangapū: Talisa Kupenga. Manu Caddie, Hikurangi Cannabis. Ross Bell, Te Tūāpapa Tarukino o Aotearoa.
E tohea ana e ētahi o Ngāti Whakaue i te rohe o Te Kōutu i Rotorua te tono a te kamupene Hainamana a River and Stone Ltd kia hangaia tētahi hōtera. E kī a Ngāti Whakaue, kāore i whakawhiti korero kia rātou, kāore e arotake i ngā pānga ahurea. Kaikawe Kōrero: Kereama Wright. Kingi Biddle, Heamana, Te Kōmiti Nui o Ngāti Whakaue. Lani Kereopa, Ngāti Whakaue. Gang Shi, River and Stone Limited. Wally Lee, Kainoho, Whittaker Rd.
E tuku pūtea ana te Tahua Whakawhanake i ngā Rohe Tai Whenua ki ētahi kaupapa whakatipu i te ao Ōhanga i te Tai Rāwhiti. Kua whakawhiwhia a Eastland Community Trust tata ki te $20 miriona kia tū tētahi whare whakamahi rākau. Kua whakawhiwhia a Aotearoa Social Enterprise kia $2 miriona hei hanga whare whakarite kai. E $6 miriona kua whakangao hei hanga whare ine hinengaro. Kaikawe Kōrero: Te Kuru Dewes. Shane Hones, Minita Whanaketanga Ōhanga a Rohe.
Kua whakaroatia ake te noho a Kaiwhakawā Andrew Becroft ki te tūranga Kaikōmihana Tamariki, kua rua tau e nōhia ana e ia. Ahakoa te tautoko a te Kaunihera Māori ki a ia, ki tā rātou, me whai Kaikōmihana Māori motuhake ka tika. Kaikawe Kōrero: Heta Gardiner. Matthew Tukaki, Kaikōrero Kaunihera Māori, Mai i Tauranga. Kaiwhakawā Andrew Becroft, Kaikōmihana Tamariki.
Nō te wiki nei pōhiritia ai e Ngāti Koura te māngai o te whenua o Cuba ki Papakāinga Marae. Tame Iti, Ngāi Tūhoe. Mario Rodriguez, Māngai mō te kāwanatanga, Cuba.
Ko Maripi Tuatini tētahi kaupapa whakawhanake i te rangatahi o Ngā Wairiki o Ngāti Apa. Kaikawe Kōrero: Tema Hemi. Nayna Turia-Thompson, Ngā Wairiki, Ngāti Apa. Grant Huwyler, Tumu Whakarae, Te Rūnanga o Ngā Wairiki, Ngāti Apa.
Kua tau atu te kapa Ōpango Māori ki Whītī, whakarite ai mō ngā tukinga e rua ki te hau kāinga. Karere Hākinakina: James Perry. John O’Connor, Tāhūhū Rangapū, Fiji Rugby.
Ka tuki ngā Warriors ki ngā Broncos hei te mutunga wiki nei, i te rauna 17 o te whakataetae NRL. Stephen Kearney, Kaiako, Warriors.
E 24 ngā whenua kua kuhu nei ki ngā taumāhekeheke Pacific Games e tū ana ki Hāmoa i tēnei wā.
Kaikawe Kōrero: Regan Paranihi. Logan Rogerson, Kaipara Poiwhana. David Liti, Kaipara Hiki Maitai. Kanah Andrews-Nahu, Kaipara Hiki Maitai.
Ko Tamatea Tūhāhā ka mahuta mai rā ki te pae.