Kua mate te kaiwhakaaweawe i te iwi Māori e noho ana ki Amerika, a Nephi Prime, i mate i tōna kāinga i Utah. Ko ia tētahi o ngā kaipupuri o te mātauranga Māori ki tāwāhi.
Kua hinga te kaiwhakataki o te reo irirangi o Ngāti Porou a Ken Eruera. Kua haria tōna tūpāpaku ki Hiruhārama Marae.
Kei te whakawhiuhia te kāwanatanga e Te Kāhui Rangatira ā-Iwi i te korenga o rātou i whakahaumaru i te Māori i ngā pānga o te āhuarangi. Kaikawe Kōrero: Kawe Roes. Mike Smith, Rōpū Kaupapa Āhuarangi, Te Kāhui Rangatira ā-Iwi, Heamana.
Kua whakaritea ētahi hui hei hoko i ngā pū taikaha a te marea i Te Waipounamu. Ka tū te hui tuatahi nei ki te Karapu Whutupōro o Taieri ki Ōtākou.
E tukuna tonutia ana e te Ope Kātua o Aotearoa ana kaimahi me ētahi waka ki te Tai Poutini ki te whakapaipai haere i te awa o Potikohua.
E hia kē rā ngā tāngata e tū kotahi ana ki te whenua o Hawaii ki te whakahē i te hanganga o tētahi karu whakatata kai tārawa i te tihi o Mauna Kea.
Ko te reo me ōna tikanga, ngā take manene, me ngā take āhuarangi ētahi o ngā kaupapa nui i puta mai ki roto i te pāremata rangatahi i tēnei rā. Kaikawe Kōrero: Talisa Kupenga, Tema Hemi. Peeni Henare, Minita Take Rangatahi. Te Mana Tiakiwai, Ngāi Tūhoe. Pounamu Wharehinga, Mahaki, Iritekura, Te Arawa, Rongowhakaata. Watene Campbell, Mema Rangatahi, Te Tai Tonga.
I haukerekeretia a Zimbabwe e te kapa Rarauhe Hiriwa i te Kapu Poitarawhiti o te Ao. 79-36 te kaute mutunga. Te Paea Selby-Rickit, Silver Fern #161.
Kua tae mai te kapa whutupōro o Whītī ki te marae o Te Papaiouru i Rotorua mō te tukinga tuarua ki te kapa Ōpango Māori. Ko te kaupapa nui o te rā ko te ahurea, ā, ko te hākinakina hei teina. Kaikawe Kōrero: Kereama Wright. Albert Tuisue, Kaiwhītiki, Whītī.
Kua rongo te reo Māori i runga i ngā pahi o Tāmaki Makaurau. Kua mahi tahi a Auckland Transport ki ngā kaiwhakahaere o NZ Bus ki te whakarite i ngā pāhōtanga reorua ki runga i ngā pahi e 70. Kaikawe Kōrero: Piripi Taylor. John Nottage, Auckland Transport. Tipa Compain, Auckland Transport. Phil Goff, Koromatua ō Tāmaki Makaurau.
Kua mau mataora ētahi māhanga Māori, 19 te pakeke. Kaikawe Kōrero: D’Angelo Martin. Hepetema Kirikau, Ngāti Tūwharetoa, Ngāti Ranginui. Ewa Kirikau, Ngāti Tūwharetoa, Ngāti Ranginui.
Ko Turu ka mahuta mai rā ki te pae.