I mouherea ētahi iwi o Hawai’i kua roa nei e tū kotahi ana ki te aukati atu i te hanganga o tētahi karu whakatata e 30 mita te teitei ki runga ake i tō rātou maunga tapu a Mauna Kea. Mahara Nicholas.
E tāmatemate ana te puna tohunga haere-ngahere o Ruatāhuna. Nā konā ka whakatūria te tarahiti Tuawhenua i te wānanga o Te Whare o Rēhua hei whāngai i ngā taonga ā kui ā koro mā ki ngā uri o te kohu. Kaikawe Kōrero: Kereama Wright. Lenny Te Kaawa, Tamakaimoana. Atamira Tumarae-Nuku, Kaiwhakahaere, Te Whare o Rēhua.
Kua whakatakotohia e Matt Ducie o te pāti Nāhinara he pire ā-mema hou. Ko tana ito me whakamōhio te Ara Poutama ki ngā kura mēnā he kaitaitōkai kei te hapori e noho ana.
I te rewanga o ngā arotakenga mō te āhua o tā te kāwanatanga mahi tahi ki ngā whānau e kāhakina ana ngā tamariki, kua puta te karanga a ngā ratonga Māori kia nui atu te mana ki a rātou e whai hua ai ngā hapori. Merepeka Raukawa-Tait, Heamana, Te Kaikōmihana mō Whānau Ora.
Kua hāmenetia tētahi tāne e 37 ōna tau mō te kōhurutanga o tētahi kōtiro e 2 tau te pakeke i Waihi Iti, i te rohe o Te Waiariki.
Tokorua ngā tāne kua mouheretia mō te pupuhitanga pū i te pāka o Clover i te tonga o Tāmaki Makaurau i tērā marama. Kotahi te wahine i whara.
Ka haria pea e Te Riu Roa a Novopay ki te kōti nō te mea hei te Hepetema rā anō ngā kaiako ka kite i ngā hua o te pikinga utu.
Tokowhā ngā kaitono Māori mō te Poari ā-rohe o Papakura e hiahia ana kia nui kē atu ngā Māori e rēhita ana ki te pōti. Kaikawe Kōrero: Taroi Black. Ian Marino-Tauhinu, Te Rarawa. Jacqueline Paul, Ngāti Kahungunu. Gerald Peka, Ngāti Kahungunu.
E rima ngā panonitanga ki te aro ā-kapa Ōpango Māori ka pakanga atu ki a Whītī ki Rotorua. Ko Whetu Douglas tētahi kua whai wāhi ki te aro-ā-kapa i tēnei wiki. Karere Hākinakina, Whetukamokamo Douglas, Kaitākaro, Ōpango Māori. Bryn Hall, Kaitākaro, Ōpango Māori.
Kua whakaingoatia te aro-ā-kapa Ōpango mō te tukinga ki ngā Puma hei te mutunga wiki nei. Steve Hansen, Kaiako, Kapa Ōpango.
Ka auraki atu anō te kaiwhawhai UFC a Kaiwhare Kara-France ki te kauhanga o te riri mō te whawhai ki a Mark De La Rosa ki Haina ā tērā marama.
Kua tau atu ngā Warriors ki Te Whanganui-a-Tara mō te tukinga ki ngā Sharks. Kaikawe Kōrero: Tamati Tiananga. Stephen Kearney, Kaiako, Warriors. Roger Tuivasa-Sheck.
Kua whakarewa ōkawatia te kaupapa o te Hui Ahurei Toi o Te Tai Rāwhiti. Hei te Oketopa tū ai te hui, ā, ko te whainga, kia tipu, kia rea, kia whanake te kaupapa. Kaikawe Kōrero: Te Kuru Dewes. Tama Waipara, Kaitohutohu, Te Hui Ahurei Toi o Te Tai Rāwhiti.
Nō nā tata nei tuwhera ai ngā tatau o te whare toi hou o te ringa toi karāhe o Te Rongo Kirkwood i te uru o Tāmaki Makaurau. Te Rongo Kirkwood, Ringatoi.
Kua piri atu ngā kaikanikani tamariki o ngā kura puta noa i Tāmaki Makaurau ki te kamupene Kanikani o Aotearoa ki te whakaari ake i ngā mīharotanga o Matariki. Kaikawe Kōrero: Kawe Roes. Sean MacDonald, Kaitito Nekehanga, Matariki for Tamariki. Te Atarangi Richards, Tauira Kanikani, James Cook High School.
Ko Rākaumatohi ka mahuta mai rā ki te pae.