Nō te ata nei mate atu ai a Nanny Te Aouru Biddle. I whakapoua e ia ōna kaha katoa i ōna tūranga kura māhita tae noa ki te wā i tū iho ai ia i tōna tūranga tumuaki. Ka mauria ki te marae o Tapuaeharuru ki Rotorua āpōpō.
E hia kē rau tāngata kua tau atu ki Ihumātao hei taituāra mō te hunga e tūtotohe mai ana.
Whakawhiti atu ki Ihumātao: Heta Gardiner.
Kua piki ake te nui o ngā mouheretanga i Ihumātao ki te rima. Nō te ata nei ka mouheretia ētahi tokorua mō te aukati me te piki ki runga i tētahi o ngā taraka o Fletchers. Koinei te rā tuarua o ngā mahi tū tiaki whenua i Ihumātao mai anō i te whakawāteatanga o te whenua e ngā pirihimana. Kaikawe Kōrero: Kereama Wright. Sharon Campbell, Te Whakatōhea. Pania Newton, Māngai, SOUL. Hemi Pirihi, Kaitautoko. Catherine Delahunty, Mema pāremata o Mua.
I whakakotahi atu te tini ki waho atu o te pāremata ki te āki i te kāwanatanga kia kaha ake te aro taringa atu ki te pakanga whenua i Ihumātao. Kelvin Davis, Reipā. Peeni Henare, Reipā. Nanaia Mahuta, Reipā. Shane Jones, NZ First.
Kei te tautoko te Māngai o te Kāhui Wai Māori a Dover Samuels i ngā panonitanga ki te Ture Whakahaere Rawa 1991. Hei tāna, mā tēnei e whai reo ai te iwi Māori. Kaikawe Kōrero: Tema Hemi. Dover Samuels, Te Kāhui Wai Māori. Kaiwhakawā Anthony Penrose Randerson QC, Pouarahi, Te Kāhui Whiriwhiri. David Parker, Minita i ngā Take Taiao. Jade Wikaira, Papa Pounamu.
He tāpae pū te mahi a ētahi i Whangārei i raro i te kaupapa hoko pū a te kāwanatanga. Kaikawe Kōrero: D’Angelo Martin. Marty Ruth, Kaiwhakahaere, Pirihimana Taitokerau. John Edwards, Uri o Hau. Ian Harding Frank, Kaipupuri Pū.
Kua tau mai ētahi o ngā Rarauhe Hiriwa ki te kāinga me te ipu toa o te ao. Karere Hākinakina: James Perry. Jennie Wylie, Tāhuhu Rangapū, Poitarawhiti Aotearoa. Phoenix Karaka, Waikato.
Kotahi tau e toe ana kātahi ka ahu atu ā tātou kaipara ki ngā taumāhekeheke o te ao ki Tokyo. I whakakao atu ētahi kaipara ki Piha ki te whakarewa i te kaupapa Earn the Fern. Kaikawe Kōrero: Jess Tyson, Tyla Nathan-Wong, Ngāpuhi. Rob Waddel NZ Olympic Committee.
Ko Tangaroa a Mua ka mahuta mai rā ki te pae.
Kei te kaha hōrapa i ngā tōpito o te ao ngā kōrero mō te pakanga a ngā iwi o Hawai’i i Mauna Kea. Ko Pua Case tētahi o ngā kaihāpai i te take nei ā, e whai ake nei te uiui i whakaahuahia i tana taenga mai ki Aotearoa i ngā wiki ki muri nei mō te hui iwi taketake o ‘He Manawa Whenua’. Kaikawe Kōrero: Pua Case, Kū Kia’i Mauna.
He nui te hunga e porotū ana i Ihumātao. Kei te waiata tonu te hunga e porotū ana, e tautoko ana i te tū tiaki i Ihumātao, ā, he mana whenua ka tū ki ngā taha e rua o te pakanga. Whakawhiti atu ki Te Ihu-a-Mataoho: Taroi Black. Ngati Tahinga, Mana Whenua.