Kua mana te pire whakataunga kerēme tiriti a Ngāti Rangi arā, ko Rukutia te Mana i te pāremata. Kua whakatangata te awa o Whangaehu kua mana tana mauri hei mauri e kore e taea te whakawehe. Ka riro i a Ngāti Rangi kia $17 miriona tāra. Kaikawe Kōrero: Talisa Kupenga. Che Wilson, Heamana, Ngā Waihua o Paerangi Trust. Soraya Peke-Mason, Heamana, Te Tōtarahoe o Paerangi. Whetu Moataane, Heamana, Te Kāhui o Paerangi.
Kua āpititia e te rōpū kaitiaki o Ihumātao te reo o ngā tamariki ki tā rātou whakatairanga hou e āki nei i te kāwanatanga kia mātua aro ki te pakanga whenua. Ināpo whakarewahia ai te whitiata poto e kīia nei ‘he reta tūmatawhānui nā ngā tamariki o Ihumātao ki Jacinda Ardern.’ Marama Sharkey, Haukāinga, Ihumātao. Taura Te Whata, Ngāti Kahungunu, Ngāti Mākino.
Kua rāhuitia e ngā iwi o te Tai Tokerau ngā wahi e topea ai ngā pou tapu e rua i tērā wiki i [ingoa o te wāhi]. Kaikawe Kōrero: D’Angelo Martin. John Paitai, Te Rarawa. Tui Quaqua Te Paa, Te Rarawa.
Ko Rangimarie Hunia te wahine tuatahi ki te whakaingoatia ki te tūranga heamana o Te Ohu Kaimoana. Ko ia hoki te tāhuhu o ‘Ngāti Whātua Ōrākei Whai Maia’.
Ko te whakarauora i ngā mātauranga whakatere waka te mahi a Te Aitanga-a-Hauiti. Nō te tau 2016 hanga ai te waka Terehauiti i Tahiti. Kaikawe Kōrero: Te Kuru Dewes. Tākuta Wayne Ngata, Te Aitanga a Hauiti.
Kā ārahi te pou o te ao Whutupōro Rīki a Graham Lowe i tētahi hōtaka āwhina i ngā āpiha ara poutama hou. Kaikawe Kōrero: Tema Hemi. Tā Graham Lowe, Kaiwhakahaere, Kicking to the Seagulls. Beau Junior Heihei-Ranston, Ngāpuhi, Ngāti Pikiao. Kelvin Davis, Minita i te Ara Poutama.
Ka panoni ki te aro ā Kapa Ōpango i mua i tā rātou tukinga ki ngā Springboks hei te mutunga wiki nei.
I tēnei rā 38 tau ki muri i urutomokia te taiwhanga whutupōro o Waikato e te hunga tūtohe i te tukinga hīra Ranfurly ki a Awherika ki te Tonga.
Kei te panoni te oranga o te hunga rangatahi ki raro i te hōpuni whakangūngū Ratonga Tūao, ā, ka whakarite i a rātou mō te ao mahi. Nā te Manatū Whakatiaho Ora te kaupapa, ā, e hāpaitia ana e te Ope Kātua. Kaikawe Kōrero: Regan Paranihi. WGCDR Tua Atkinson, Āpiha Toihou Whakawhanake Rangatahi. Roden Boyka, Tauira LSV. Brittnee O’Brien, Kaiwhakahaere ā Motu, LSV.
Ko Tangaroa ā Roto ka mahuta mai rā ki te pae.
Kua puta te whakatairanga mō te kiriata hou a Taika Waititi arā, ko Jojo Rabbit.
Kei te terehia ngā tae pāniwhaniwha o Salish e ngā kaihoe waka o Māui i Hawai’i i te huihuinga Tribal Canoe Journeys 2019 ki Lummi. Kaikawe Kōrero: Piripi Taylor. Kimiokeo Kapuhulehua, Maui, Hawaii. Darren Rabago, Maui, Hawaii.