Ngā tatauranga o te wā mō te mate korona: 15 ngā tūroro hou. Kua mate tētahi koroua kei tōna waru tekau tau. He kainoho nō Rosewood Restwood i Ōtautahi. 1349 katoa ngā tūroro i Aotearoa. 111 ngā Māori, 59 ngā tangata o ngā moutere o te Moananui-a-Kiwa. 546 ngā tāngata kua whakamāui ake.
Kua rewaina te pūnaha matihiko hou a te Tāhuhu o te Mātauranga. Mā tēnei pūnaha ka taea e ngā kura o te motu te kimi i ngā rauemi ako i roto i tēnei wā o te noho whakamohoao. Karere: James Perry. Maahia Nathan, Tumuaki, Wharekura o Manurewa.
E noho rauemi kore ana ētahi whānau ki Tūranganui-a-Kiwa i roto i tēnei noho whakamohoao, e kore e taea e rātou te whai i ngā akoranga o te kura. Karere: Taroi Black. Wayne Abraham, Kaiako. Anne Abraham, Hoa Rangatira. Tei Nohotima, Te Kura Kaupapa Māori o Horouta Wānanga.
Tokoiti tonu ngā Māori kua pāngia e te mate korona. 8.2% noa iho o ngā tūroro, he Māori. Karere: Heta Gardiner. Tākuta Ashley Bloomfield, Kaiwhakahaere Matua, Manatū Hauora. Jacinda Ardern, Pirimia.
E kite ana ngā kainoho o te Tai Tokerau i ngā hua o te whakatū tūteitanga ki ō rātou rori. Karere: Dean Nathan. Lisa Everitt, Te Aupouri. Sheridan Waitai, Ngati Kuri. Pereniki Conrad, Te Aupouri.
E mahi tahi ana a Te Reureu me Ngāti Kauwhata ki ētahi kamupene ki Manawatū ki te whai hua, whai oranga mō ō rātou uri. Karere: Regan Paranihi. Dennis Emery, Ngāti Kauwhata, Ngāti Matakore. Ann Nuku, Plant Manager, AFFCO Manawatū. Bruce Smith, Ngāti Pikiahu-Waewae.
Kua whai whakaruruhau ngā tāngata kore kāinga o te Tai Tokerau i raru i te kaupapa ā-motu hei whakahaumaru i te marea.
Kei te whakahaere ngā kainoho o te tiriti o Murdoch Crescent ki Whangārei i ētahi kaupapa hei whakakotahi i a rātou. Karere: Dean Nathan. Ross Smith, Te Rarawa. Leah Claridge, Te Rarawa, Tūwharetoa. Jayne Tamihana, Waikato. Brad Claridge, Ngāti Niue. Jean Rodokal, Kainoho.
Kei te wānanga tahi te kāwanatanga o Aotearoa ki te whenua o Hingapō ki te whai rautaki whakahaumaru i ngā tomokanga whenua.
Ko Korekore Whakapiri ka mahuta mai rā ki te pae.
Ia rā o te noho whakamohoao kua puta a Takapau Flavell i tana mirumiru ki te hoko kai hei haria ki ngā kaumātua o Te Whānau-a-Apanui. Karere: Mahina Hurkmans. Takapau Flavell, Te Whānau-a-Apanui.