He pūrongo mō Aotearoa me te ao whānui i te roto i te reo Māori.
Karere: Scotty Morrison
“Nā te Māori hei painga mō te Māori.” Koirā te tauira a te kaupapa Whanau Ora. Me te aha, e tautoko ana ngā ratonga Wh`anau Ora i te whakatūtanga mai o tētahi Manatū Hauora Māori hōu. I te rā nei kei te huihui mai ngā kaiwhakahaere o ngā ratonga hauora Māori ki Rotorua ki te kōrerorero e pā ana ki te Manatū Hauora Māori hōu. Karere, Moana Makapelu Lee. Awerangi Tamihere, Umanga Kohmihana Whānau Ora. Te Ururoa Flavell, Te Arawa Whānau Ora. Rēri Tureiti Moxon, Te Kōhao, Waikato. Rawiri Waititi, Pāti Māori.
Ko te turaki o te kaikiritanga i te ao mātauranga tētahi kaupapa nui o te Kura Tuarua o Manurewa. Tokomaha ngā Māori e haere ana ki tērā kura. Ka mahi tahi ngā kaiwhakahaere i te hōtaka o te Hurihanganui, te kura me te hapori ki te hāpai i ngā ākonga Māori me ō rātou whānau hei patu i te kaikiritanga. Roimata Minhinnick, Mana Whenua. Pete Jones, Tumuaki.
Kei te kōrero a Scotty ki a Peter-Lucas Jones mō te taupānga hōu, ko Whare Kōrero, me te waitohutanga kirimana ki a Ngā Taonga Sound and Vision.
E rua ngā kēmu whutupōro a Te Kapa Ō Pango Māori rāua ko Te Kapa o Hāmoa i tēnei tau. Kei Te Whanganui-a-Tara te kēmu tuatahi ā te rua tekau mā ono o Pipiri. Kei te Tonga o Tāmaki te kēmu tuarua ā te tuatoru o Hōngongoi. Seilala Mapusua, Pouako Manu Samoa.
Kua hoki mai a Charlisse Leger-Walker ki te kāinga mai i tana kapa poitūkohu i te Kāreti o Washington i Amerika ki te parakitihi i te taha o te kapa wāhine o Aotearoa. Ka whakareri rātou mō te whakataetae poitūkohu Asia Cup ā te marama o Mahuru. Karere, Tepara Koti. Charlisse Leger-Walker, Kapa Tāroaroa.
Me piki te ora me te kaha a te kapa netipōro a Central Pulse. I tapepe te kapa i te tīmatanga o te tau. Karere, Rapaera Tawhai. Gail Parata, Pouako. Te Amo Amaru-Tibble, Tuki Ūhanga.
Ngā tohu huarere.
Ka tū te whakataetae Manu Kōrero i Te Tai Tokerau i te rangi nei. Hei tā ngā kaiwhakahaere, ko te pupuri i ngā kōrero tuku iho a ngā mātua tīpuna te mea nui, ā, ehara te wikitōria i te whāinga matua. Shelby Baker, Kaikōrero. Hineteaio Chapman, Kaikōrero. Ngahuia Harawira, Kaiako, Te Kura o te Kao. Selena Bercic, Kaiwhakahaere. Hinewai Pomare, Kaiwhakawā.