Te whakahokinga mai o te toa e karangatia nei ko te toa matangaro
Kua hoki mai te toa matangaro ki tōna ake kainga ki reira okioki ai. I te tau rua mano ma whā i whakahokia mai te toa matangaro ki Aotearoa, koia tētahi o te tekau ma whitu mano toa matangaro i hinga i te pakanga i tū ki te waahi i tikina ai tēnei toa matangaro. E hia noa atu ngā tau te toa nei e takoto ana i te whenua o Wīwi whai muri i te pakanga tuatahi o te Ao. Heoi anō i te tau rua mano ma rima i whakamaumaharatia te iwa tekau tau atu i te pakanga o Karipori i te whenua o Turkey.
I te pakarutanga mai o te pakanga tuatahi o te ao he tere tonu nō te kawanatanga ki te kii ka tautokotia a Piritana e Niu Tireni, i taua wā hoki i whakaaro ētahi rangatira Māori ki te tiriti i waenganui i o rātau tīpuna me te karauna. Engari hei tā te ture o Piritananui i taua wā, kāre i whakaaetia te kiri Parauri ki ngā whawhai i waenganui i ngā iwi Pākeha. Heoi, nā te āki o ngā mema paremata Māori i whakatūria ai te ope Tuatahi araa te Pioneer Battalion, te Hokowhitu ā Tū rānei. Engari nā te ture o te Pākeha i taua wā kāre tonu rātau i āhei ki te whawhai, he keri rua, he mahi rori, he awakeri rānei ā rātau mahi.
Heoi anō i te pahūtanga mai o te pakanga tuarua o te Ao i pērā rawa anō te āki o ngā mema paremata Māori engari ko Tā Apirana Turupa Ngata te kaikōkiri matua kia whakaturia te ope Rua Tekau ma Waru.
Ehara i te mea ko te iwi Māori anake te iwi i roto o Te Hokowhitu ā Tū, nō Niue ētahi, Nō Tonga me Rarotonga ētahi atu.
I te wā o te pakanga i kaha ākina te iwi whānui kia kuhu ki roto i ngā ope tauā engari kāre a Waikato i hiahia tautoko i tērā i te mea i te ora tonu ētahi o ngā tīpuna i whawhai i wā i raupatutia ōna whenua, i te kaha mamae tonu ngā iwi o te rohe rā nā reira i puta a Te Puea ki ōna karangatanga iwi me tana kii ake kaua i tautoko a Piritananui me tōna whawhai atu ki a Tiamani. I runga i tērā i waihanga ture a Maui Pomare kia kaua te kawanatanga e haere ki te tono ngā tāne o aua iwi ki ngā ope tauā o te motu.
Ehara i te mea ko Waikato anake te iwi i whakaaro pērā, i taua wā tonu i urutomo atu ngā pirihimana ki a Maungapōhatu ki te mauhere i a Rua Kēnana, nā koia nei tētahi atu mamae i utaina ki runga i te Ao Māori.
Ka kitea ngā whakaritenga i Uropi ki te urupā i takoto ai te toa matangaro i mua o tōna kawenga ki te waahi whakamaumahara ki ngā hoia i Pōneke. Ka rongo hoki he aha o rātau mahi, nā ko te mutunga iho i pōwhiritia te toa matangaro ki runga o ngā papa o te whare paremata, ka mutu ka nehua ki te waahi whakamaumahara ki ngā pakanga.
Kaikōrero:
Miki Apiti
Martin Wikaira-Kaihautu - Manatū Taonga (Ngāti Tūwharetoa)
Monty Soutar (Ngāti Porou)
Rev. Kairoa Bert McClean (Ngāi Tūhoe)
Mark Pirikaahu - Kaiarahi kapahaka o te ope tauā (Taranaki)
Sam Jackson (Te Arawa, Ngāti Kahungunu, Taranaki Whānui ki Te Upoko o Te Ika)
Tamati Paraone-Perehetini o te Rua Tekau Ma Waru (Ngāti Hine)
Rangitihi John Tahuparae (Te Ati Awa, Te Ati Haunui ā Pāpārangi, Ngāti Rangi)
Pita Paraone-mema paremata (Ngāti Hine)
Ngā Tāngata e Kitea ana:
Sam Jackson (Te Arawa, Ngāti Kahungunu, Taranaki Whānui ki Te Upoko o Te Ika), Dovey Taiaroa (Ngāti Whakaue, Tuhourangi, Ngā Puhi), Kahurangi Cath Tizard-Kawana Tienara(Pākeha), Major General Jerry Mateparae (Ngāti Tamakōpiri, Ngāti Tūwharetoa, Ngāti Kahungunu), Tā Apirana Turupa Ngata, Tuuta Nihoniho (Ngāti Porou), Timi Kara (Ngāti Kahungunu),Peter Buck (Ngāti Mutunga), Maui Pomare-Mema Paremata mo Te Taihauauru(Ngāti Mutunga), Wiremu Massey-Pirimia o Niu Tireni (Pākeha), Te Puea Herangi (Waikato, Ngāti Mahuta, Ngāti Maniapoto), Julian Wagg-Minita o Te Ope Kaatua o Aotearoa (Pākeha), Richard Kellaway-Kaihautu o Te Urupā here o Ingarangi (Pākeha), Adrian Macey-Māngai-Kawanatanga o Aotearoa ki Wīwi(Pākeha), Peter Love(Te Ati Awa, Ngā Ruahinerangi), Johnathan Hunt-Mangai o te whare paremata(Pākeha), Helen Clark-Pirimia o Aotearoa (Pākeha), Dover Samuels -mema Paremata Te Tai Tokerau (Ngā Puhi), George Hawkins-mema paremata Reipa (Pākeha), Tariana Turia mema paremata Te Tai Hauauru (Ngāti Apa, Te Ati Haunui ā Pāpārangi, Ngāti Tūwharetoa), John Waititi (Te Whānau ā Apanui, Ngāti Porou), Koro Tamarapa (Taranaki), Richard Wallace (Kāti Mahaki),
Ngā Waahi e Kitea ana: Pōneke, Uropa-pikitia o mua, Te whenua o Wīwi, Belgium, Longueval ki Wīwi , Rongotai, Te Whare Paremata i Pōneke,
Ngā Ingoa e Whakahuatia ana:
Tāngata:Tuuta Nihoniho (Ngāti Porou), Lord Roberts (Pākeha), Te Reiwhati Vercoe (Te Arawa), Wiremu Tu Te Puaki Pitt (Rongowhakaata), Paki Withers (Whakatōhea), Tame Poata (Ngāti Porou), Apirana Turupa Ngata-mema Paremata mo Te Tai Rāwhiti (Ngāti Porou, Te Whānau ā Apanui), Timi Kara (Ngāti Kahungunu), Peter Buck (Ngāti Mutunga), Maui Pomare-Mema Paremata mo Te Taihauauru(Ngāti Mutunga), Te Ope Rua Tekau Ma Waru, Tūmatauenga, Te Puea Herangi (Waikato, Ngāti Mahuta, Ngāti Maniapoto), Chris Pugsley-Kairangahau Hitori (Pākeha), Rua Kēnana (Ngāi Tūhoe, Ngāti Kahungunu),
Waahi: Tiamani, Ingarangi, Awhirika Ki Te Tonga, Waikato, Turkey, Niue, Tonga, Rarotonga, Kiriti, Cassino, Al Alamein, Belgium, Kānata, Aotearoa, Ahitereiria, Pashendale, Ingarangi, Rongotai,