Maioha – Te Reo o te Māreikura
He kohinga uiui ā-reo irirangi ki ngā wāhine Māori i whakapāhotia hei tohu i te Tau Whakanui i ngā Iwi Taketake o te Ao Whānui me te rautau mai i te Pōti Wāhine.
Ko Maioha – Te Reo o te Māreikura te tuawhā o ngā whakaaturanga ipurangi nā Ngā Taonga Sound & Vision e whakanui ana i ngā oro o Ngā Taonga Kōrero, he kohinga i takea mai i a Irirangi Aotearoa me ana tuākana.
Ko ētehi atu whakaaturanga, ko Te Pūtaketanga o Ngā Taonga Kōrero, arā te whakatuwheratanga o Tūrongo i te tau 1938, ko Te Hokinga Mai o te Rua Tekau mā Waru arā i te tau 1946, me Te Reo Pāpaho me ngā kaipāpāho Māori o mua.
He kohinga wāhine Māori a Maioha i puta i te tau 1993. Nā te peka o Waiatarau o Te Rōpū Wāhine Māori Toko i te Ora, hei whakanui i te tau o Ngā Iwi Taketake me te huritau o te Whiwhinga Pōti ki Ngā Wāhine. Kei te reo Māori te nuinga o ngā uinga, ā, nā ētahi kaiui ngā kōrero, arā a Puhi Rangiaho rātou ko Tawini Rangihau, ko Piri Kākā, ko Hēnare Te Ua me Hemana Waaka o ngā hōtaka o Te Reo o te Pipiwharauroa me He Rerenga Kōrero.
Ko te upoko o te peka o Waiatarau i taua wā, ko Kahurangi Georgina Te Kamiria Kirby, nāna i whakamārama ki te reo Pākehā ki a Hēnare Te Ua te kaupapa i kohia ai ēnei kōrerotanga.
I tautoko a Maioha i te pukapuka a Te Rōpū Wahine Māori, a Te Timatanga – Tatau Tatau, i whakanui rā i ngā wāhine o te rōpū nā rātou te huarahi i para. I puta te pukapuka nei i te tau 1993.
Ka korero anō a Kahurangi Georgina i tana hiahia kia maha ake ai te hunga wāhine ki roto Pāremata, nāna te petihanahia ki te whare paremata anō hoki. Ka kōrerotia te wāhanga ki ngā wāhine Māori i te wā i whawhaitia te pōti wāhine i te tau 1893. I hainatia hoki te petihana whakatiki waipiro, tūpeka, me te ngaro o tēnei mea te mau moko kauae.
Ka kōrero anō te tino rangatiratanga, te tū a ngā wāhine ki te kōrero, ngā kaiārahi rangatira o mua a te Rōpū Wāhine Māori Toko i te Ora me ētahi atu take o te wā.
Kei konei te whānuitanga o ngā korero a Kahurangi Georgina Kirby.
Katoa ngā wāhine i uia, nā rātou anō ō rātou reo i whiriwhiri kia rongo ai ngā reo rangatahi, pakeke hoki, rongonui, whakaiti anō. I ū katoa ngā wāhine nei ki ngā kaupapa whakawhanake i te kāinga, i hea rānei.
Ānei anō ētahi atu o ngā uinga mō Maioha, ki te reo Pākehā. Kei tō mātou pae ipurangi.
