Dame Miraka Szaszy DBE QSM JP (1921 – 2001) - Ngāti Kurī, Te Rarawa, Te Aupōuri (Whakaahua: Waka Huia, Miraka Szaszy, TVNZ, 1992)
Tana Para i te Huarahi
I whānau mai a Miraka Szaszy i Waihopo i Te Tai Tokerau, nāna i ārahi te iwi i roto i te mātauranga, te ao pāho, te toko i te ora me te whakawhanaketanga pakihi.
Nāna i para te huarahi – koia te wahine Māori tuatahi ki te puta me tana tohu paetahi, kete aronui, kete tuauri hoki i Te Whare Wānanga o Tāmaki Makaurau. Ko te wahine Māori tuatahi ia ki te whiwhi karahipi ki te haere ki te Whare Wānanga o Hawai’i.
Whakarongo mai ki a Miraka Szaszy e kōrero ana mō ngā wāhine Māori e piki ana ki ngā tauamata ahakoa te kaupapa.
Tohutoro Kohinga 42492
Te tau 1993
Ngā hōnore Kaipatapatai: Hemana Waaka
Te Kore o te Māori ki Ngā Poari
I a ia e piki haere ake ana ka rongo a Mira i ngā pēhitanga ki ngā wāhine me ngā Māori ki roto i ngā tūranga mahi, ka kitea e ia te kaikiri hoki ki ngā tari kāwanatanga.
Ka kōrerotia e Szaszy tana pōuri ki te ruarua o Ngāi Māori i runga i ngā poari me ngā kōmihana, me te tīmatanga o te Rōpū Wāhine Māori Toko i te Ora.
Tohutoro Kohinga 42492
Te tau 1993
Ngā hōnore Kaipatapatai: Hemana Waaka
Ka Kōrero a Mira mō te Pōti Wāhine
He kaiatawhai a Mira i ngā kaupapa wāhine. Ka rongo a Mira i ngā pēhitanga ki ngā wāhine me ngā Māori ki roto i ngā tūranga mahi, ka kitea e ia te kaikiri hoki ki ngā tari kāwanatanga. Ka mamae te ngākau i ngā whakahētanga i ngā wāhine Māori kia kōrero ki runga marae i ētahi rohe, ahakoa te koi o te reo, e kī ana ia, “he koi kē ake i ngā reo o ētahi tāne kua rongo rā ahau.”
Whakarongo mai ki a Kahurangi Mira e kōrero ana mō te pōti wāhine.
Tohutoro Kohinga 42492
Te tau 1993
Ngā hōnore Kaipatapatai: Hemana Waaka
Te Putanga o te Tīmatanga - Tātau Tātau
Ka 1951, nā Miraka Szaszy rāua ko Whina Copoper i tautoko kia tū te Rōpū Wāhine Māori Toko i te Ora, koia te hekeretari tuatahi. Nō ngā tau 1960 ko ia te reo o te Rōpū rā ki te Rōpū Mātauranga Māori, ka noho ia hei perehetini i te MWWL, mai i te tau 1973 ki te tau 1977
Nō te whakanuitanga o te rautau o te Pōti Wāhine i te tau 1993, i puta te pukapuka mō Te Rōpū Wāhine Māori Toko i te Ora, ko Te Tīmatanga – Tātau Tātau te ingoa.
Ka kōrero a Szaszy mō ngā rangahau i waenganui i ngā kuia mō te pukapuka nei.
Tohutoro Kohinga 42492
Te tau 1993
Ngā hōnore Kaipatapatai: Hemana Waaka