1930s

Kīngi Tahiwi, i Tīmata he Hōtaka

I whānau a Kīngi ki tētahi whānau rongonui ki te waiata o roto o Ngāti Raukawa, arā, “Ngā Tahiwi,” i puta i a rātou ētahi rekoata Māori i ngā tau 1920. I tonoa ia hei reo pāho e te Ratonga Pāpāho hou o te wā, ā, nō te 1937 puta ai tana reo ki 2ZB ki Te Whanganui-a-Tara.

I tēnei tauira i tīmata a Kīngi Tahiwi tāna mihi i te reo Pākehā nā ngā ture o tōna rangatira mahi kia ū ki te reo Ingarihi.

Collection reference 1900
Year 1937

Ōriwa Tahupōtiki Haddon, 4ZB

Ka whānau mai a Edward Oliver Haddon, nō muri ka karangatia ko Ōriwa Tahupōtiki Haddon. He whanaunga ia ki te poropiti o Parihaka, a Tohu Kākahi, i te taha o tana matua. Ka kuraina i Ōkaiawa, Normanby me te Kāreti Weteriana i Te Tātua-o-Riukiuta i Tāmaki Makaurau.

Nō te tau 1919 pea ka haere ia i tētahi rōpū waiata ki Amerika, he tuku kōrero te mahi, he tū anō ki ngā atamira o reira. Nāna ngā kōrero kauwhau mō ngā tikanga ō te ao Māori i aua hui.

Ka mutu ana mahi kēmihi i Whanganui ka kuhu ia ki ngā mahi Weteriana i te tau 1922 hei hari i taua kupu, whakamahi minita ki ngā moutere Horomona. Ka 1927, kua tino Minita Māori ia i ana mahi minita i Kawakawa. Ahakoa ana hononga ki a Rātana me ngā whakahē a ētahi, i whakaaehia kia minita tonu ia. Nō te tau 1930 ka hoki ki Whanganui ka mahi kēmihi anō. Koinā te wā i karangahia ia ko Ōriwa Tahupōtiki Haddon.

Nō te tau 1936 ka tū a Colin Scrimgeour hei kaiwhakahaere mō te Ratonga Pāpāho. Ka akia a Haddon hei kaimahi ki 2ZB ki Te Whanganui-a-Tara, ā ka hoatu mōna tērā tūranga e te Kaitohu Pāpāho a Tākuta James Shelley. Nō mua i te pakanga, nā Haddon ngā hōtaka reo Pākehā nei, a Ōriwa’s Māori Session e toro ana ki ngā pakiwaitara a te Māori, ngā rota, ka awhitia anō e ia ētahi atu hōtaka pēnei i te teihana 5ZB, he teihana haere mā runga tereina.

Nō te wā o te Pakanga Tuarua ka kuhu ia hei Tino Kaihautū ki te Ope Taua Rererangi. Mutu ana te pakanga ka kuhu ki ngā mahi tōrangapū, ka huri anō ki ngā mahi toi, otirā i tonoa haere ia hei mahi pikitia i runga pakitara e pā ana ki ngā hītōria a te Māori.

Collection reference 24466
Year 1938